Contoh Pidato Sambutan Hari Kebangkitan Nasional

Saderek-saderek sadayana nu sabangsa jeung sanagara.

Assalamu’alaikum Wr. Wb.

Kalayan rahmat ti Allah SWT, urang sadaya dina dinten ieu tiasa sami-sami kempel dina hiji tempat anu mulya kalayan maksud jeung tujuana nyaeta mieling hiji kajadian anu ngandung sajarah pikeun bangsa Indonesia, nu kuurang sadaya dikenal Hari Kebangkitan Nasional.

Urang sadaya tangtos uninga, naon sababna pangna disebut Kebangkitan? Sabab dina waktu harita bangsa Indonesia kakara hudang dina kasadarana pikeun berpolitik, hartina kakara berjuang nurutkeun jalur politik. Dimana perjuangan-perjuangan samemehna mah ditempuh ku perlawanan senjata. Jeung perjuangan dina waktu eta sifatna kadaerahan, sapertos nu dilakukeun ku para pahlawan urang, contona ; perlawanan Teuku Umar, Teuku Cik Ditiro di Aceh, Imam Bonjol di Minang, Pangeran Diponegoro di Jawa jeung sajabana.

Memang ku urang sadaya perlu dihargaan kana jasa-jasa jeung kawanianana dina usahana pikeun ngusir kaum penjajah di bumu Indonesia. Tapi kusabab tacan aya sifat gigihna perlawanan aranjeuna kalawan gampil kaum penjajah bisa numpesna.

Kakara dina taun 1908 timbul kasadaran bangsa Indonesia, upama kaum penjajah anu sifatna licik henteu bisa dilawan ku senjata, komo deui lamun dibandingkeun jeung kakuatan senjata bangsa Indonesia waktu harita dibandingkeun jeung maranehna leuwih unggul tibatan persenjataan bangsa urang. Maranehna kudu dilawan make jalan politik anu ngahiji, sangkan kakuatan urang nu mimitina mah paburencay bisa ngahiji jadi hiji kakuatan anu tangguh, hiji kakuatan nasional.

Tepatna dina tanggal 20 Mei 1908 anu dikokojoan ku Dr. Wahidin Sudirohusodo, ngadeg hiji perkumpulan anu disebut Budi Utomo anu saterasna nyebar jadi hiji   wadah kakuatan sarta nampung gagasan pamikiran rakyat dina perjuangannana pikeun ngahontal kamerdekaan.

Ku ayana Budi Utomo eta, mangka timbul kasadaran bangsa Indonesia, aranjeuna sadayana hudang pikeun nurutkeun jalan anu geus ditempuh ku badan Pergerakan Budi Utomo. Saterusna ngadeg Sarikat Islam, Parkindo, Parindra, jeung partai-partai anu sejena. Nu hakekatna organisasi-organisasi eta kalayan tegas nolak sadaya penjajah sarta ngagaduhan tekad pikeun ngamerdekakeun ngara katutbangsa Indonesia.

Ti harita kasadaran bangsa Indonesia jadi kagugah sumangetna pikeun ngahiji jadi hiji kasadaran nasional, nu mana saterusna tekad eta jadi leuwih nyata dina taun 1928 ku lahirna Sumpah Pemuda nu mangrupakeun awal tina persatuan jeung kasatuan bangsa Indonesia, nu akhirna ngawujudkeun Proklamasi Kamerdekaan RI 17-08-1945.

Jadi pagerakan Budi Utomo mangrupakeun panggugah kasadaran berpolitik pikeun bangsa Indonesia. Kumargi kitu, sabage panghormatan jeung panghargaan pamarentah ka organisasi eta dina tanggal 20 Mei nu mangrupakeun tanggal kalahiran Badan Pergerakan Budi Utomo diabadikeun sabagi Hari Kebangkitan Nasional.

Mangka kumargi kitu sawadina urang bangsa Indonesia mieling poe ieu sabagi hari besar nasional sapertos nu ku urang dilaksanakeun waktu ayeuna, sarta urang sadayana wajib ngucapkeun syukur ka hadirat Allah SWT.

Akhirna ku ayana kasempetan ieu mangga urang sami-sami manjatkeun do’a ka hadirat Allah SWT, kanggo pamimpin anu ngagaduhan jiwa luhur sapertos halna Bapa Dr. Wahidin Sudirohusodo sabage bapa Kebangkitan Nasional bangsa Indonesia, sarta arwah para pahlawan nu sejena nu parantos mayunan urang sadayana, mudah-mudahan aranjeuna ditampi amal baktina ditempatkeun dina tempat anu sampurna, Amin.

Wassalamu’alaikum Wr. Wb.